記錄第三個月成長狀況

呢個月開始訓練baby 食奶瞓覺模式，跟住on becoming babywise 呢本書做，中文叫從0歲開始，但翻譯到一舊舊，冇原文咁好。

Bb開始可以瞓返床仔，係床上哄下就瞓著。起初訓練，喊咗個幾鐘唔收聲，又唔會累到瞓著，好長氣。後來我每15 分鐘入去呵下，好快瞓得著。

Baby 開始對人笑到卡卡聲，尤其對鏡中嘅自己。好八卦係咁望人行嚟行去。未識翻身，翻到一半跌返落嚟。學講a-lu, ha-p, a-gu 等等幾個音的發音。手仔可以自主性地合埋一齊啦，食雞脾仲食到㗳㗳聲，又要拎埋人隻手去食。又開始到咗用舌頭感受世界嘅歲月。佢腰骨好硬，坐得好直，但一般baby 可以自己坐直，係6 個月左右，所以唔好咁快俾佢學自己坐，繼續癱下啦。佢會想拉自己起身坐。

月底居然出現濕疹，仲要受細菌感染，流血水流到成件衫都係，發覺娥羅納英藥用雪花糕都可以搽濕疹，效果幾好。不過都係去睇gp, 開咗d 抗生素皮膚藥嚟搽，第1日搽甩好多皮，第2 日甩少咗，面好似好返d, 希望快d 好啦！