18-21個月成長情況

牙仔長到16顆，識講好多嘢。。。夾死咗，跌死咗，排排坐食果果，早晨。。。等等。忙到不得了，冇停的，一醒就玩。招排笑容是篤面。

15-18個月

忙到不得了，森森開始轉睡1 次，雖然每次都瞓得好長，約1-2個鐘，但煮完午飯食完，又拾下嘢，有時睇下tvb, 1-2小時真係過得好快。

牙仔係18 個月出了15 隻，差5 隻就出晒。重量大約10kg, 我諗應該有80cm高。。。

每日走來走去，搞搞震。。。有時想快d送佢去nursery. 朱古力糖果依然係禁物。食嘢時間大約是：
7:30 奶
9:30-10:00 早餐
1-2 午餐
4-5 小食
7-7:30 晚餐
9 奶

依然食量唔大，每日吃維他命水保持營養均衡。早餐及晚奶後刷牙。

18 個月突然好似明白好多嘢，please,  sorry等等都開始講。開始識叫人，動物。。。明白並學講濕晒倒瀉晒，走，坐。。。

10-14 個月的成長情況

老是忘了上來寫blog, 所以久久沒更新。
11 個月我仔識獨立行了，所以忙的很呀。。。非常麻煩，搞亂檔。。。13 個月就會跑了，但未識跳。

Ride on車仔12 個月未識坐，13 個月向後行，14 個月開始識得向前轉彎。

游水好似唔太敢，常喊。。。帶去游水班，好似好少少，但天氣凍未試過帶他再去。

最近咳嗽咳足個幾月。。。

一出牙同病就乜都唔肯食，平日又食得少，所以仲未過10kg... 2 個月都唔敢去稱重。。。

牙仔出了14 隻，還有6 隻就出齊了。

呢個小朋友而家又矮又瘦。。。但笑容多多，古古惑惑，仲幾精添。。。平日去同一個哥哥玩，哥哥唔俾他玩的，他趁哥哥跟我玩，就趕快去玩，哥哥發現了跑去，他就跑走了。。。有時罵他，他低頭想了想，然後又笑，我說：「no! 再曳就打㗎啦」，他很開心地打自己，說：「打打！」真係俾他激死又笑死。。。

記錄第8-9個月成長狀況

森仔而家爬得勁快，好似隻剛出生游去大海嘅小海龜咁，勁得意。

一樣係咩都唔肯食，連最喜歡食嘅香蕉，都唔係太肯開口，食到半肚就唔肯食。打過2 次手板都係唔肯食。有一排體重下降，所以我開始先餵奶，後再食solid food, 起碼有100ml奶頂住肚先，咁食法佢就開始肥返d.

我諗佢唔肯食，最大原因是出牙，第8 個月出咗第3 隻，9 個月出埋第4 隻。唔肯用dental wipe刷牙。。。我堅持一係飲水，一係抹牙。

成日換片都換唔到，8 個月轉用pants, 容易d, 又可以早d做potty training. 

8 個月佢扶嘢企同行，去過1 次游水，我同佢都好攰，回程仲撞埋車個boot同bumper, 花了60 鎊買零件整，變了做cat d車，應該好難有人收。

9 個月佢成日想自己balance, 仲未得。9 個月成日講mum mum,  pa pa,  講mum mum是真係叫我，好快啊咁又差唔多學講說話了。

D corner貼晒safety膠都俾佢整甩晒，開櫃玩。。。我行邊佢行邊，知道key用嚟開門。。。對吸塵機，掃把，好有興趣。

9 個月突然感染感冒，母子同病，佢仲3am要飲奶，唔知係日頭食得唔夠，定growth spurt? 我休息唔夠，好攰好辛苦。。。

記錄第6-7個月成長狀況

唔知點解個post放唔到，一味publishing...
第6 個月同第7 個月差唔多，由坐到搖搖下到坐穩，扶住企起身，大人扶佢提腳行路。。。

食嘢多了好多。。。但肉類要到7 個月之後先可以食。不過佢好多嘢唔肯食，6 個月出了2 隻牙仔，自從出牙仔開始就唔肯食糊仔，粥果d都唔肯，有1-2星期連奶都飲得好少，要食飯，食麵。。。有試過成粒粟米粒痾返出嚟，好驚佢消化唔好。。。佢合埋個口唔肯食嘢果下，真係激死人。。。要開兒歌youtube俾佢睇，先容易d開口。。。

7 個月佢開始講dadada, 都開始知人鬧佢。。。

6 個月返了香港，7 個月返嚟，果時多人湊佢，而家得我同老公，仔又大個了些少，好百厭，幾個鐘冇停。。。湊仔好攰。。。
返了香港剃光頭，d人話胎毛要剃下先生得靚，我覺得都係，剃完頭髮多左密左

記錄第5 個月成長狀況

森森成日想拉自己起身坐，但未夠力坐唔穩。所有d 玩具佢都想坐住玩，要人扶住坐，我唔走得開了。以為playnest會輔助未坐穩嘅baby 坐，所以買了個， 點知唔啱用，個seat 太大，左搖右擺好易瞓低，佢又未夠力坐起身。剛剛呢幾日black friday, 有sale, 買了張baby high chair booster,  適合我間細屋。

食奶果陣東張西望，成日望爸爸做緊乜，超八卦。而家有時食5 餐，有時7 餐，多數6 餐，18 周果陣試過2 日瞓過夜，夜晚冇嘈肚餓，6 點扭食奶咀，8 點準時食早餐。到20 周仍戒唔到夜奶，食奶時間開始唔定時。。。

19 周開始溝米糊，開頭係稀稀地係奶樽吸，後來整杰d 用羹食，都算習慣，但仍未可以當做一餐。

轉咗食hypoallergic formula, 朋友介紹雀巢能恩，都ok 喎，面d 濕疹發嘅範圍細咗，身體同手腳都滑咗。

同朋友討論過保嬰丹問題，我的結論係暫時唔好買余仁生。。。

冬天去街，暖氣太熱，要除晒衫。上火車，地鐵，children center, 去飲茶。。。都熱到打大赤肋，好勁。唔除的話會出濕疹。對於每個人(包括陌生人) 都話我唔俾衫佢著，我開始感到煩厭，難道佢熱到滿面通紅都要俾佢著衫？生濕疹爛面果陣邊個承擔後果？咪又係我同仔。。。所以唔該唔好咁多意見，得唔得。。。

記錄第四個月成長狀況

森仔有濕疹，仲唔止流湯，流埋血。分佈係全個人，其中面同頸最嚴重，要搽類固醇藥膏，呢種藥會整薄皮膚，第日好易整損出血。所以我諗住轉奶粉，gp 俾咗豆奶粉，但冇諗過係咸的，仲要有咸魚味。。。所以我問朋友佢用咩奶粉，諗住試下nestle nan ha pro 1, 剛好英國ebay 有人5 鎊賣1 罐400g, 都算合理，買2 罐返嚟俾仔仔試。溝奶飲了1 個星期，d 屎係墨綠色，同超臭。個賣家突然去了dubai, 搞到我要訂貴貨，係belgium送嚟3 盒nestle nan ha pro 1 750g,15 鎊1 盒。。。如果餐餐係belgium送過嚟，牛奶金唔夠俾

佢識拉bouncer 果個音樂了，係地下自己打側瞓，但胸貼地撐起就好吃力。15 周開始成日想起身坐，16 周起瞓係度嘅玩具都想起身玩，我要俾佢靠住先坐得穩，所以我變得好唔得閒。佢開始有喜好，唔鐘意就叫得好大聲。成日扭瞓覺，放上床又唔肯瞓。頭擰得好快，八卦到死，去gp 度睇濕疹時，逐個人盯著望，個個望到佢都話好得意 :)  塞2 隻手指入去挖個口，口水唔單止成面都係，流到落心口。朋友話佢用口水沖涼 :D 係教會熱到大叫，除咗上半身，d 人話而家冬天，佢咁大隻㗎... 冇計啦，熱到佢d 疹又發了。

12-14 周仲係食7 餐，14 周完果陣濕疹發作，baby 搽完steroid cream 好渴睡，食少咗 1 餐，開始4 小時1餐，一日6 餐，食150-200ml (6-7安) 左右。佢開始亂抓嘢，抓我d 頭髮，小心眼鏡被抓甩。

其實我唔明點計，baby 16 weeks係4 個月大，還是真係到11 月25 日先4 個月大？因為想開始食米糊，因為過敏起濕疹，如果係奶引起的，食米糊應該會好d. 同埋飽肚d 可以戒夜奶。