嫲嫲真係訓練嬰兒嘅殺星，喊一陣，唔夠5 分鐘，就話怕'攝'親，唔問過我直接抱起佢。開頭已經講咗我個訓練原則俾佢知，但佢依然唔依我果套。呢d 人最好暫時疏遠，廢事第日個仔真係變咗世界仔(如嫲嫲成日唸口黃所言，其實我好懷疑佢知唔知世界仔係貶義詞). 訓練果陣梗係喊㗎啦，d 細路去咗新環境，以為有新規則，實際上只係張床唔一樣，規定係一樣，嫲嫲就忍唔住走去抱，係屋企我都係在玩嘅時候先抱，唔會抱住哄瞓覺。佢就抱住佢瞓覺，最麻煩就係呢樣，自從果日返屋企後，阿仔以為例必有人抱瞓覺，係床仔哄佢瞓成10 分鐘，跟住瞓唔夠半個鐘又醒，又要去哄佢瞓返。講真我呢d 要pump 奶嘅媽咪邊有咁多時間呀。我奶奶仲話煲魚翅瓜好易，帶住個唔願瞓嘅仔，痾屎都要1 分鐘完事，點可以係半個鐘內完成pump 奶，煮麻煩菜式，食飯，洗碗，打掃，痾屎，沖涼？所以我一定要俾佢學自己瞓。總之，嫲嫲就係寵壞孩子嘅兇手。
因此我發咗個text 去佢wechat, 叫佢等bb 喊10 分鐘先可以睇佢，否則就好似而家咁，我要重新訓練佢。
我重新訓練佢果陣，佢連續喊咗半個鐘，成身濕晒，聲又沙埋，我仲心痛呀
恭喜晒你呀, 我岩岩睇完你生仔過程, 好驚險呀! bb好精靈! 希望佢健健康康!
回覆刪除我好同意你呀, pump奶真係好唔得閒, pump緊佢喊住都唔知點好.
我都唔會抱住佢訓, 多數由得佢係床仔or high chair訓, 抱慣左訓次次要人抱訓, 加油啦!
不過老人家係咁架啦, 互相就下囉!
我估唔到我生仔會咁得人驚，事後我諗返喊咗幾日。見到本record 寫住live birth, 我d 眼淚係咁流。
刪除雖然話老人家係咁，但係細路唔可以俾位佢攝，呢個仔係我向上帝求得，湊佢果陣好想佢嘅身量和神和人喜愛他的心，都一同增長，好希望教好佢。
Pump 奶果陣根本唔郁得，我冇辦法咪由佢喊囉，最多早d 完事。不過我好多時係佢玩果陣pump 奶，因為佢醒嘅時間好長，玩45 分鐘，瞓反而唔穩定，可能半個鐘以內就醒，玩果陣我仲多時間pump