以前d 人懷孕都仲要擔泥，相比下我都算幸福。不過又點可以比較呢，人人嘅體質唔一樣，有人懷孕後要食藥瞓床，有人去打波跳繩都冇事，有人行一陣就見紅。。。
呢個BB係唔易得來呀，可唔可以珍惜下，唔好當我係工人呀？
我一早就分d 家務俾老公做，結果有d 地方成個懷孕期都冇抹，地下吸塵我老公做過1-2次，廚房爐頭唔叫佢都唔抹，碗又隔日先洗，廁所起晒漬，浴缸又污糟，d 嘢鋪晒塵。。。雖然有時我諗佢返工好攰，但放假都唔做，寧願去踩單車。。。有時真係好想佢返舊屋住，我自己照顧自己，地方冇咁污糟，起碼冇咁嬲。
男人呀，點解你唔體諒下大肚婆，好鬼累啊，每日買餸煮飯洗衫，仲要兼顧埋清潔，爬高爬低。。。
沒有留言:
張貼留言
謝謝你的留言，我會盡量抽時間回覆!