7 weeks...

懷孕7周明顯開始噁心同眼瞓。。。zzzzzz.....

阿b 我都仲未知你係咪真係度，你可唔可以鬆下手俾阿媽舒服d呀？阿媽想去飲茶啊！阿媽想食楊州炒飯啊！阿媽想食美心天使蛋糕啊！

有關FET

我發覺我好少係網上見過冷凍胚胎嘅嘢，所以我決定將我嘅經驗寫出嚟。

FET係 frozen embryo transfer, 由你上一次來月經起加上21 日，就係down regulation 的開始。由果日起開始，早晚噴hormone去鼻孔，如無意外，三星期內會有withdrawal bleeding,  呢d 血唔係月經，純粹係清走子宫入面嘅嘢，完全冇子宫收縮，血嘅顏色比較淺色。跟住醫生會同你約定幾時去scan,  確定子宫ok 後就開始食雌激素 progesterone, 每幾日就增加藥量，由每日一次，到2 個多星期後每日3 次。同時噴鼻減到每日1 次。醫生會叫你scan 多1次，然後決定幾時放胎。

至於幾時停止噴鼻，我唔係好記得，好似係第二次scan 完醫生叫我停，跟住開始塞pessaries, 早晚1 次。塞藥每日2次同食progesterone每日3 次一路都冇停，直到驗孕果日。

Bingo 後食progesterone 每日4 次，塞藥每日3 次。原先我以為食到7-8周 first scan 果陣，點知oxford fertility unit 速遞咗好多藥，應該可以食到12 周。上網睇過話塞藥用嚟安胎，有人塞到16 周。

其實咁塞法，基本上出街要成日睇時間，定時定候回家塞藥，塞果陣又要訓一陣，否則d 藥出返晒體外，好煩。希望bb 冇咩事，唔洗靠呢d 藥維生啦。

今日上yahoo blog 睇過，原先我俾個網址等yahoo blog 自己搬晒我d blog 過嚟，但發覺原來佢只限weshare 同xuite,  所以我得閒都要copy 返幾年嘅blog 過嚟。

Google & blogger...

我唔係太識用，點解有人可以用google + 睇blog 同回應，有d 就一定要上blogspot?  好混亂啊。。。

我的懷孕特徵

這次FET 基本上冇咩特別的唔舒服，除了某幾次肚勁痛左成個鐘外。綜合一下，比大家做參巧。

(1) 輕微子宫收縮，唔比m 時勁。
(2) 口乾，我以為係乾燥，但原來好多人都係咁。。。乾到半夜醒左，又唔想起身，唯有狂飲口水 XD
(3) 鼻勁靈，成日聞到老公放屁。。。XD 仲成日聞到一種味。。。
(4) 胸痛同平日m 前差唔多，但仲加輕微d
(5) 2個鐘頭就餓，食咩都好似去左無底坑
(6) 肚係拮過幾下，應該係放胎後到10 日左右，之後冇了
(7) 間唔中肚勁痛，好似話我知佢係度，叫我休息下，暖下身，同快d 食飯，放左progesterone就唔痛了，冇流血。
(8) 差唔多到驗孕日，好多白帶流出來
(9) 冇尿頻，乳房冇大變化，冇嘔，間中拉流便，冇spotting
(10)  呢2 日開始腰累

當日我放完5 mins 就起身啦，痾清d 尿

多謝嘉嘉成日陪我傾計，令我relax d, 多謝你的鼓厲，同埋有個同路人傾計真係好重要。你下次都一定得，relax d,  改變生活同飲食習慣，應該冇問題。記緊1 星期2 餐oily fish. 

Bingo!

今日 test 日，怕1 支有錯，用左6 支唔同牌子，都係positive呀！我過了第一關啦！耶穌基督是配得稱讚，感謝祂送我天上來的禮物！我知邊bb 一定可以係神保護下成長。因我未生出，祂眼目已經看到我。見到閃閃就正式有生命啦，希望過2 星期見到啦。

今天係day 8?

1/11 放胎，今日應該係day 8?

我好似冇咩感覺，自從11月4日肚痛之後，肚腩仲有d 縮細左，胸又唔痛，體温得36.79 °c,雖然每日都好似高d, 但應該係因為呢幾日暖左d 丫嘛，有10 度。有非常輕微而且cramp完一下就冇嘅肚痙攣，仲有d 肚瀉。間唔中因為食太多而有胃氣，粗身大細唔敢餓丫嘛。

今日發現我買左5 種 驗孕棒，決定聽日或後日偷驗，到12 號全部 (計埋ofu 比嘅共6 種) 都驗，一排可能是一條線或兩條線的，應該好壯觀

FET後第3天

呢次FET 係咁二cramp 左2 下，有2 個鐘超餓，跟住到現在完全冇反應。有人話好，有人話唔好，我當然係希望好啦，不過已打定輸數。

FET 果日訓左2日床，打game 打成日。

11月2 號精神好緊張，仲俾煙花嚇親。

11月3 日，half term 學生走左，加上返到教會，心裡好平安。神既不愛惜自己的兒子，為我們捨了，祂豈不也把萬物和祂兒子白白地給了我們嗎？

今日11月4日天氣好，出左去行。下面是家附近的景物照片。神還親自對我說，凡勞苦擔重擔的人可以到我這裡來，我必叫他們得享安息。感謝神與我同在。

老公明天11月5 日生日，點算呢。。。